‘Атар-60’ жилийн ойн нээлтийн арга хэмжээ

Аймгийн газар тариалангийн үйлдвэрлэлийн зөвлөгөөн, “Атар-60” жилийн ойн нээлтийн арга хэмжээг 2019 оны 03 сарын 11-ний өдөр зохион байгууллаа. Зөвлөгөөний хүрээнд “Каритас монгол” ТББ-ын агрономич С.Тэгшбаяр “Уртасгасан хугацаатай хүлэмж барих аргачлал, загварууд”, “B&T Analysis” ХХК-ийн захирал Т.Баттөгс “Дрон технологийг ХАА-н салбарт ашиглах нь”, УХЭШХ-ийн Доктор Т.Дэжидмаа “Үр тариа, төмс хүнсний ногооны өвчин, хортон шавьж, хор хөнөөл, тэмцэх арга”, Доктор Д.Цэвээндорж “Тариалангийн талбайн хөнөөлт мэрэгч амьтантай тэмцэх дэвшилтэт арга”, Доктор О.Ариунаа “Үр тариа, төмс хүнсний ногооны талбайн хог ургамал, хор хөнөөл, тэмцэх арга”, Бизнесийн зөвлөх Магистр М.Эрдэнэчимэг “Бизнесээс үүсэх стрессийн менежмент” сэдэвүүдээр тус тус газар тариалангийн үйлдвэрлэл эрхлэгч 208 хүнд сургалт явууллаа. Энэхүү сургалтуудыг явуулахад дэмжлэг үзүүлж хамтран ажилласан Caritas Mongolia; B&T Analysis LLC; Bulgan Neg Ue Club; Булган аймгийн тариаланчдын холбооны хамт олонд талархсанаа илэрхийлье.